දැනට අත්දැකීම් ලැබූ හෝ නුදුරු අනාගතයේ අත්කින්නට සුදානම්ව සිටින තුරුණු වියේ පසුවන්නෙක් ලෙස, ඔබතුළ සිදුවන ප්‍රායෝගික ශාරීරික වෙනස්කම් ගැන අපි පළමුවෙන්ම සාකච්ඡා කරමු.

 

 

වැඩිවියට පැමිණෙනවා කියන්නේ යොවුන් වියේ පසුවන්නන් ලිංගික වශයෙන් මෝරා තවත් ජීවියෙක් නැත්නම් දරුවෙක් මෙලොවට බිහිකරන්න හැකියාව ලැබෙනවා කියන එකයි. ඉතිං මේ කාලය තුළදී ඔබ ළමාවිය පසෙක තබා ඉන් සමුගෙන, බෙහෝදුරට වැඩිහිටියෙක් බවට පත්වෙනවා කියන එකයි. ඔබේ ශරීරය දරුවන් ලැබීමට, දැරීමට සූදානම් වෙයි. අපි බලමු මේකේ තේරුම මොකක්ද කියලා.

 

 

• තෙලාචේ   : පියයුරුවල, තනවල වැඩීම-වර්ධනය (සාමාන්‍යයෙන් වයස අවුරුදු 8.5 සහ 12.5 දක්වා)

• පියුබාචේ    : ශරීරයේ රහසිගත, පොදු තැන්වල මවිල් වැවෙනවා. ඉක්මණින් උස යනවා. (වැඩිවියට                                     පැමිණිනු වහාම)

• මෙනාචේ   : පළමු මාස් ශුද්ධිය  නැත්නම් ඔසප්වීම සිදුවීම (තෙලාචේ වලින් වසර 2.5කට පමණ පසු :                                 සංඥාවක් දෙනවා ඔබට උස යන්න තියෙන්නෙ තව සෙමී 5ක් විතරයි කියලා.

 

ඔබට දැනේවි ඔබේ බර වැඩිවෙනවා කියලා. ඒ වගේම සිරුර 'ලලනා' හැඩයක් ගන්නා බවකුත්.

 

 

සාමාන්‍යයෙන් මසකට වරක් සිදුවෙයි. පොදුවේ ඔසප්වීමේ කාලය වශයෙන් මෙය හඳුන්වනවා. 'සාමාන්‍ය' තත්ත්වය අතර මෙහි පුළුල් වෙනසක් තියෙනවා.

 

චක්‍රාකාරව දින 21ත් 45ත් අතර සිදුවෙනවා.

රුධිරය - ලේ - පහවීම දින 3-7 දක්වා.

සාමන්‍යයෙන් එක් ඔසප්වීමකදී මි.ලී. 80ක පමණ රුධිරය-ලේ ඉවත්වෙනවා. 

( දිනකට 6 වතාවක් හෝ ලේ කැටිති පහවන්නේ නම් අසාමාන්‍යයි.)

 

ඔසප්වීමේ පළමු සහ මුල් වාර කීපයේදී එය ක්‍රමානුකූලව සිදු‍ නොවෙන්න පුලුවන්. ඒ වගේම ලේ ගැලීම සුලු වශයෙන් වෙන්න පුලුවන්. මන්ද ඔබේ ශරීරය තවමත් සිදුවන සියලුම වෙනස්කම් වලට හුරුවන නිසා.

 

සමහර ගැහැනු ළමයින්ට නම් කිසිම වේදනාවක් නෑ. නමුත් සමහරකගේ සුලු වශයෙන් මාංශ පේෂි සිරකරන, කෙන්ඩා පෙරලෙන බවක් හෝ අධික වේදනාවක් දැනෙන්න පුලුවන්. ඉතිං ප්‍රශ්නයක් නෑ අවශ්‍ය නම් ඒකට වේදනා නාශක ඖෂධයක් ගත්තා කියලා.

 

මේ මාස්ශුද්ධිය නැත්නම් ඔසප්වීම ගැන, විශේෂයෙන්ම ශ්‍රී ලංකාවේ සම්ප්‍රදායි ඇදහීම් සමග මිත්‍යා මත සහ විශ්වාසයන් ගණනාවක් පැතිරී තිබෙනවා. මතක තබාගන්න, මෙය ඉතාම ස්වාභාවික සිදුවීමක් මෙන්ම, යම් කාන්තාවක් වැඩිහිටි භාවයට පත්වුණා, වර්ධනය වුණා කියලා දෙනු ලබන සංඥාවක්. ඉඟියක්. ඔබේ අම්මාට සහ මිත්තනියටත් මෙය සිදුවී තිබෙනවා. ඔබේ සියලුම මිතුරියන්ටත් මෙය සිදුවෙනවා. මාසික ඔසප්වීම නැත්නම් මාස් ශුද්ධිය අවුරුදු 50 පමණ වනතුරු සිදුවෙනවා. එය ඔබ කාන්තාවක් වීමේ උරුමය. එය තෑග්ගක්. ඔබ දන්නවනේ මාසයේ මෙය සිදුවන දිනවලදීත් නාන්න, ක්‍රීඩා කරන්න, සාමාන්‍යය කෑමබීම සුපුරුදු විදියට කන්න බොන්න පුලුවන් බව. 

 

 

වෘෂණ කෝෂ දෙකකින් හා ලිංගයකින් සමන්විත ඔබේ ලිංගේන්ද්‍රියේ වැඩීමක්, වර්ධනයක් සිදුවෙනවා. මෙය සායනික පරීක්ෂණ වලින් මැනබලා තිබෙනවා, ලිංගේන්ද්‍රියේ පරිමාව, මි.ලි.4 ක ප්‍රමාණයෙන් විශාල වෙනවා කියලා. එය වැඩිවියට පත්වීමේ පළමු ඉඟියයි. සංඥාවයි.(අවුරුදු 10 පමණ වයසේදී මෙය වෙන්නෙ)

 

• රහසිගත ප්‍රදේශයේ මවිල් වර්ධනය වීම  : ලිංගේන්ද්‍රියේ පරිමාව විශාල වූ සැණින් සිදුවෙයි. 

• ලිංගේන්ද්‍රිය දිගුවීම-ප්‍රාණවත් වීම            : දළ වශයෙන් වැඩිවියට පත්වී මාස 18ක් පමණ ගතවූ පසු                                                                               ලිංගේන්ද්‍රියේ පරිමාව මි.ලි. 12-15 දක්වා වර්ධනය වීමෙන්                                                                            සිදුවෙයි.

 

ඔබ ශක්තිමත් වෙනවා. ඇඟේ මස්පිඩු වැඩෙන්න වර්ධනය වෙන්න පටන්ගන්නවා. පළමුව ටිකක් අමුතු වුණත්, ඔබේ කට හඬද වෙනස්වෙන්න පටන්ගන්නවා. ඒ වුණාට අවසානයේ ගැඹුරු, වඩා පරිණත හඬක් ලැබේවි. ඔබේ හරියට හොරා කන්න ගිහිං ඇපල් කෑල්ලක් හිරවුණා වගේ, උගුරේ-බෙල්ලේ පොඩ්ඩක් ඉදිරියට නෙරා ඇති බවක් පෙනෙවි. එහෙම පේන්නේ ඔබේ "ස්වරාලය" නොහොත් "ශබ්ද පෙට්ටිය" වැඩෙන - වර්ධනය වෙන නිසා.

 

ඔබේ පුරුෂ ලිංගය - දැඩිවී - විශාල වෙනවා. කෙළින් වෙනවා. එහෙමවෙන්නෙ, ඔබ ලිංගික වශයෙන් යම් කෙනෙකු දැක කැළඹුනාම, නොඉවසුම් සහගත වුණාම. මෙය ඉතාම සාමාන්‍ය ස්වාභාවික දෙයක්. නමුත් ඔබ සුලු වෙලාවකින් සාමාන්‍ය තත්ත්වයට පත්වෙනවා. රාත්‍රියේ නින්දේදී ද මෙවැනි මෝචනයක් සිදුවී, ශුක්‍රධාතු පහවීමක් සිදුවිය හැකියි. එයත් ඉතාම සාමාන්‍ය තත්ත්වයක්.

 

 

කුරුලෑ, කිහිළි යට කෙස් - මවිල් වැඩීම සහ ඔබේ ශරීරයෙන් වාහනය වන දුර්ගන්දය ( ඔබ තුළින් දැඩි දුර්ගන්ධයක් එන්න පුලුවන් )

 

මෙම සියලු වෙනස්කම් ඔබට පේන්නෙ නැති, ශරීරයේ ඇතුළත හැදෙන, වැගිරෙන, ශ්‍රාවය කරන, රහසිගත 'හෝමෝන' නිසා ඇති වෙන්නක්. වැඩිපුරම කාන්තාවන්ගේ නම් ඊස්ට්ටජන් හෝමෝනය නිසාමයි. ඊස්ට්ටජන් නිපදවීම තුළින් විශාල වෙනසක් පිරිමින් තුළත් ඇතිවෙනවා. හදිසියේ ඔබේ උස වැඩි වුනොත් ඒකට වගකියන්න ඕනේ මේ හෝමෝනයයි. නමුත් හෝමෝන මගින් වර්ධනය නැවත්වීම සඳහා ඉඟියක් - සංඥාවක් කරනවා. පිරිමි ළමයින්ගෙ මේ උස යාමේ ලක්ෂණය ඇතිවන්නෙ ටිකක් පසුවෙලා. නමුත් පටන්ගත්තාම නම් ඉහළම වේගෙන් එය සිදුවෙනවා. ඒ නිසා තමයි මිශ්‍ර පාසැලක 5 - 6 ශ්‍රේණිවල ඉන්නා ගැහැනු ළමයි පිරිමි ළමයින්ට වඩා උස. ඒ වුණාට පිරිමි ළමුන් ඒ තැනට ඉක්මණින්ම එනවා. වැඩිවිය පත්වන කාලයේ සිදුවන මෙම වෙනස්කම් Tanner අදියරේ පහත ඇති රූප සටහන්වල  පෙන්නුම් කරයි.

 

 

[ රූප සටහන් වලට අදාළ සිංහල වචන  ]