යෞවනියන්ගේ වැඩිවිය පැමිණීම තේරුම්ගන්න....

වැඩිවිය පැමිණි එකම ගැහැනු ළමයා ඔයා තමයි කියා ඔබට දැනෙනවා නම්, ඔබ මතක තබාගත යුතු පළමු කරුණ වන්නේ, මෙය ඔබට පමණක් නොව මේ ලෝකෙ ඉන්න හැම නව යොවුන් තරුණියකටම ඒක පොදු බවයි. ඉතිං ඔබ තනිවෙලා නෑ. එපමණක් නොවෙයි. තරුණියක් මෙලෙස වර්ධනයවීම, "වැඩිවිය පැමිණීම" සැලකිය යුතු සුවිශේෂී අවස්ථාවක් ලෙස මුලු ලොවම පිළිගන්නවා. ඔබ යෞවනියක් ලෙස වැඩෙන්නට පටන්ගත්තා කියන එක සනාථ කරන පළමු සාක්ෂිය මෙයයි. ඒ නිසා තමයි ඔබේ දෙමව්පියන්, ඔබට පළමු මාස්ශුද්ධිය සිදුවීමත් සමගම, එය සුවිශේෂ අවස්ථාවක් කරගෙන, ඔබට ආදරය කරන සියලුදෙනාම සමග එක්වී උත්සවයක් පවත්වන්නෙ. අපට තේරෙනවා, පළමු මාස්ශුද්ධියත් සමග විශේෂයෙන්ම, ශාරීරිකව සහ මානසිකව සිදුවන සියලු වෙනස්කම්, ඔබට හොඳින් තේරුම්ගන්න බැරි නිසා, සමහර විට මෙය තරමක් දරාගන්න බැරි, අපහසුදායක අවස්ථාවක් වෙනවා කියලා.

අපට ඉඩදෙන්න ඔබට උදව් කරන්න. ඉතාම රසවත් අත්දැකීමක් වුණත්, තරමක් අපැහැදිලි අවුල් සහගත තත්ත්වයක් වගේ පෙනෙන මෙම වෙනස්කම් සිද්ධවෙන්නෙ ඇයි ? ඔබ තවමත් "වැඩිවිය" පැමිණිලා නැතුව ඇති. නැත්නම් ඒ වගේ වෙනස්කම් සිද්ධවෙන්න පටන් අරන් ඇති. ඉදිරි මාසවල, අවුරුදුවල, සිදුවේයැයි ඔබ බලාපොරොත්තුවෙන් සිටින මේ දේවල් පිළිබඳව හොඳ දැනුමක්, අවබෝධයක් ලබාදෙන්න අපට පුලුවන්.

ඔබ විසින් පළමුවෙන්ම මතක තබාගත යුතු දේ නම්, වැඩිවිය පැමිණීමේදී සිදුවන සියලු වෙනස්කම් ඔබේ සිරුර තුළ ඇති හෝමෝනවල ක්‍රියාකාරිත්වය නිසාම සිදුවන බවයි. මොහොතක් සිතාබලන්න. ළදරුවෙකු වූ ඔබ වයසින් මුහුකුරා වැඩෙනකොට, ඔබේ මොළයෙන් මුදාහරින ජී.එන්.ආර්.එච්. GnRH හෝමෝනය නිසා වැඩිවිය පත්වීම ආරම්භ වෙනවා. මේ ආරම්භයත් සමගම, ඔබේ ශරීරයේ පිටතින් හා ඇතුළතින් වෙනස්කම් රැසක් සිදුවෙන්නට පටන්ගන්නවා. පිටතින් ඔබේ පියයුරු විශාල වෙනවා. යෝනි ප්‍රදේශයේ උකුල හා කිහිළිවල කෙස්, මවිල්, වැඩෙන්නට පටන් ගන්නවා. ඇතුළතින් ඔබේ ප්‍රජනන පද්ධතියේ අවයව වන ගර්භාෂය, යෝනි මාර්ගය, ඩිම්බකෝෂ විශාලවන්නට පටන්ගන්නවා. මේ හැම වෙනස්කමක් තුළින්ම ඔබව යොමුකරන්නේ ඔබේ ශරීරයෙන් ලේ - රුධිරය ඉවතට යන පළමු මාස්ශුද්ධිය කරාය. මෙය දළ වශයෙන් දින 3ක් හෝ 4ක සිට සතියක කාලයක් දක්වා පැවතිය හැකියි. මෙම දින ගණන - කාලය තරුණියකගෙන් තරුණියකට වෙනස්වන්න පුලුවන්.

නව යොවුන් තරුණියකගේ ඕනෑම වයස් මට්ටමකදී "වැඩිවිය පැමිණීම" සිදුවිය හැකියි. එය තීරණය කෙරෙන විවිධ හේතු සාධක බොහෝ තිබෙනවා. එකම වයසකදි හැමෝටම මේ "මාස්ශුද්ධිය" සිද්ධවෙන්නෙ නැහැ.

ඔබට උපතින්ම ලැබෙන ජානමය ලක්ෂණ සහ මූලිකාංග, ඔබේ ආහාර වේල, ඔබ ජීවත්වන පසුබිම, බර (මහත - මේදය) සහ දිනපතාම කරන ශාරීරික ව්‍යායාම මට්ටම ආදිය මෙම වෙනස්වීමට බලපාන විවිධ හේතූන්ය. අප හිතමු ඔබ බරින් අඩු කෙනෙක් කියලා. එහෙනම් "වැඩිවියට පත්වීම" ප්‍රමාදවන අවදානම වැඩිවෙන්න පුලුවන්.

කරුණාකර, වැඩිවියට පත්වන විවිධ අවස්ථා තේරුම් ගැනීමට හා මේ කාලයේ ඊට ඇති බාධක ජයගැනීමට මෙන්ම ඔබේ ශරීරය සහ සිතුම් පැතුම් තේරුම් ගැනීමට, දිගටම මේ ලිපිය කියවන්න.

• වැඩිවිය පැමිණෙන පියවර(අදියර) සතර (4)
  යෞවනියක් වැඩිවිය පැමිණීම සාමාන්‍යයෙන් සිදුවන්නේ පියවර - අදියර- 4කින්. ඒවා මෙසේයි.

• පියවර 1: ඒඩ්‍රිඅන්ආචේ - Adrenarche
  මෙම වැඩිවියට පැමිණීමේ ආරම්භක පියවර "ඒඩ්‍රිඅන්ආචේ - adrenarche" නමින් හඳුන්වනවා. වයස අවුරුදු 8 - 11 අතර යෞවනියන්ගේ ලිංගේන්ද්‍රියන් වර්ධනයවීමේ මුල් අවස්ථාව මෙයයි. ඔබගේ වකුගඩු දෙකට ඉහළින් පිහිටා ඇති අධිවෘක්ක ග්‍රන්ථි (කුඩා පිරමිඩ හැඩැති ග්‍රන්ථි දෙකකි) මගින්, ඇන්ඩ්‍රොජන්ස් androgens නැමති හෝමෝනය නිපදවීම ආරම්භ කරයි. මෙම ඇන්ඩ්‍රොජන්ස් පසුව ඇස්ට්‍රජන් estrogen බවට වෙනස් වෙයි. ඇන්ඩ්‍රොජන්ස් හෝමෝනය, ඔබ දැන් ගතකරන්නේ වැඩිවියට පැමිණීමේ යහපත් වර්ධනීය අවස්ථාවක් බව පෙන්වන හොඳ ලක්ෂණයක්.

  2: වන අදියර - තෙල්ආචී - Thelarche
  මෙම පියවරේ දී ඔබේ පියයුරු කැපීපෙනෙන ලෙස වර්ධනය වෙනවා ඔබට දකින්න පුලුවන්. එය ගැහැනු ළමයින් බොහෝ දෙනෙකුගේ, වැඩිවිය පැමිණීමේ ආරම්භය බාහිරින් අපට පෙනෙන වෙනසයි. පියයුරු පුඩු(තන පුඩු) උස්ව පැමිණීම, පියවුරු පිහිටන තැන සමේ වර්ණය තද පැහැගන්ම සහ පියයුරු විශාල වීම ආරම්භ වන මේ අවධිය නැත්නම් අදියර - " තෙල්ආචී - thelarche" ලෙස ද හඳුන්වනු ලබනවා.

  3: වන අදියර - පියුබාච් - Pubarche
  උකුල ප්‍රදේශයේ සහ උරහිස් කිහිළිවල කෙස් වර්ධනය වන, වැඩිවියට පත්වීම කියාපාන තුන්වැනි පියවරටයි පියුබාච් - Pubarche කියන්නේ.

• Menarche
  පළමු ඔසප්වීම නැත්නම් මාස්ශුද්ධිය ''මෙනර්ච් - menarche'' ලෙස හැඳුන්වනවා. ඔසප්වීම ඔබේ සිරුරේ සිදුවන බොහෝ විවිධ හෝමෝනවල, විශේෂයෙන්ම ඇස්ට්‍රජන් - Oestrogen හෝමෝනයේ ප්‍රතිඵලයක්. මුල්ම ඔසප්වීමේදී ලේ -රුධිර- වහනය බොහෝ විට, ඉතා ස්වල්පයක් හෝ අධික ලෙස වහනයවීම සිදුවෙයි. නියමාකාරයෙන් සිදුනොවන මෙය, ඔසප්වීම සෑදී වසරක් හෝ ඊට වැඩි කාලයක් නොකඩවා පැවතිය හැකියි. එසේවීමට බලපාන්නේ ඔබේ ශරීරය තුළ හෝමෝන වෙනස්කම්  සිදුවන ක්‍රියාවලියේ ආරම්භය වන නිසාය... 
•