තෙල් සහිත සමක් තිබීම එතරම් ලස්සණක් නැති වුනත් එය ඉතා සුලබව දකින්ට තියෙනවා. එය බොහෝ වෙලාවට ලිස්සන සුළු, ඝනැති, අඳුරු පැහැති සමක්. ඒකේ ගොරෝසු සිදුරු හා අනෙකුත් කළු හිස් තියෙන්න පුලුවන්. තෙල් සහිත සමෙහි ස්නෙහස්‍රාවී ග්‍රන්ථි වැඩිපුර ක්‍රියාකාරී වෙනවා. ඒ නිසා තෙල් සහිත ස්‍රාවයන් වැඩිපුර නිතුත් කරනවා. මෙයින් සමට ලිස්සන සුළු දිලිසෙන ගතියක් ඇති වෙනවා. හැබැයි සමේ සිදුරු විශාල වෙනවා, සම ගොරෝසු ගතියක් පෙන්නුම් කරනවා. ඔයාලා දන්නවා සාමාන්‍යයෙන් තෙල් සහිත සමේ කුරුලෑ නිතර නිතර හැදෙනවා. ඒත් සමහර අයගේ තෙල් සහිත සමක් තිබුණත් කුරුලෑ හැදෙන්නැති අවස්ථාත් තියෙනවා.

තෙල් සහිත සමක් ඇති වීමට හේතු÷

ප්‍රධාන වශයෙන් ම මෙහෙම සමක් ඇති වෙන්නේ ආරෙන්. ඒ කියන්නේ ජානමය වශයෙන් ම              ස්නෙහස්‍රාවී ග්‍රන්ථි වැඩිපුර ක්‍රියාකාරී වෙනවා. ඊට  අමතර ව හෝර්මෝන වල වෙනස්කම් නිසා ද තෙල් සහිත සමක් ඇතිවෙන්න පුළුවන්.

ප්‍රතිකාර සහ වැලැක්වීම÷

ඔයාට තියෙන්නෙ තෙල් සහිත සමක් නම් සේදීමේ දී වැඩිපුර අතුල්ලන්න එපා. සැර පිරිසුදු කාරක, සැර සබන් වර්ග පාවිච්චි කරන්නත් එපා. ඒවා පාවිච්චි කළොත් ආසාදන ඇතිවෙලා තත්වය තවත් නරක් වෙන්න පුලුවන්. සෝදන වෙලාවෙදි මෘදු  පිරිසිදුකාරක වගේ තෙල් රහිත මොයිස්චරයිසර්ස් පමණක් පාවිච්චි කරන්න. තෙල් රහිත, ජලය පදනම් කර ගත් රූපලාවන්‍ය ආලේපන භාවිතා කරන්න.

සිරුරෙන් දුඟඳ හමන කිසිම කෙනෙක් ඇසුරු කරන්න කවුරුත් ප්‍රියවෙන්නෙ නෑ. ඔයා නව යොවුන් වියේ ඉන්න එක්කෙනෙක් නම් මෙය වඩාත් දැනෙන ප්‍රශ්නයක් වෙන්න පුලුවන්. හැබැයි මේක බොහෝ අය ලොකු ප්‍රශ්නයක් විදිය සැලකුවත් ඒක එහෙමනෙමේ. මේක පහසුවෙන් ම ප්‍රතිකාර කරන්න පුලුවන් තත්වයක්.

දුඟඳ හැමීමට හේතුව÷

මෙහෙම දුඟඳ හමන්න හේතුව වෙන්නේ සම මත තියෙන බැක්ටීරියා විසින් දහඩිය වල ඇති ප්‍රෝටීන වර්ග මත ක්‍රියා කර අම්ල බවට හැරවීමයි. මේක විශේෂයෙන්ම දකින්නට තියෙන්නේ දහඩිය ග්‍රන්ථි වැඩිපුර තියෙන කිහිලි වල සහ ඉකිලි වලයි.

ප්‍රතිකාර සහ වැලැක්වීම÷
■ දිනපතා ස්නානය
■ සේදූ පිරිසිදු ඇඳුම් ඇඳීම
■ කිහිලි වලට ඩියෝඩරන්ට්ස් (deodorants) පාවිච්චි කිරීම. එයින් එම ස්ථානය තවත් ආම්ලික වෙලා බැක්ටීරියා වලට වාසය කරන්න බැරි පරිසරයක් හදනවා. ඩියෝඩරන්ට්ස් (deodorants)වලින් පිළිකා හැදෙන්නෙ නෑ.
■ දහඩිය ඇතිවීම වලක්වන ඖෂධ වර්ග වලින් සම සහ දහඩිය නාල අතර අවහිර කරනවා. එයින් දහඩිය පිට වීම අඩු කරනවා.

සමෙහි නම ලිවීමට හැකි තරම් වියලි සමක් ඔයාට තියෙනවද? සම වියලෙන්නේ සමෙහි ඇති තෙතමනය අඩු වීම නිසයි. එවිට සම රළු වී, පැලී, වියලී, පොතු ගැලවෙන තත්වයට පත් වෙන්න පුලුවන්.

සම වියලීමට හේතු÷ 

පහත සඳහන් හේතු නිසා සම වියලීම ඇති වෙනවා.

■ විවිධ වෛද්‍යමය හේතු
■ වැඩිපුර රූපලාවන්‍ය ආලේපන භාවිතය
■ සුවඳ විලවුන් සහ සැර සබන් වර්ග භාවිතය
■ විජලනය
■ වැඩිපුර හිරු රැසට නිරාවරණය
■ රසායන ද්‍රව්‍ය වලට නිරාවරණය
■ පාරිසරික හේතු
■ වුවමනාවට වඩා නිතර සේදීම

ප්‍රතිකාර සහ වැලැක්වීම÷

■ සුවඳ රහිත මූලික මොයිස්චරයිසරයක් පාවිච්චි කිරීම.
■ හිරු එළියට නිරාවරණය නොවී සිටීම.
■ දිනකට ලීටර් දෙකකට වඩා හොඳින් ජලය පානය කිරීම..

පිරිමි ළමයෙකුට නම් මෙය එතරම් ප්‍රශ්නයක් වන්නෙ නෑ. එහෙත් ගැහැනු ළමයෙකුට ප්‍රශ්නයක් වෙන්න පුලුවන්. බොහෝ විට  තොල් මත නිකට පපුව ආදී ස්ථාන වල තුනී රෝම වැඩීම සිදුවෙන්න පුලුවන්. ඝන  තද පැහැති ගොරෝසු රෝම වැඩීම හර්සියුටිසම් නමින් හැඳින්වෙනවා.

හර්සියුටිසම්(Hersiutism)¦

මෙය පොලිසිස්ටික් ඩිසීස් ඔෆ් ඕවරීස් (polycystic ovarian syndrome) එනම් ඩිම්බ කෝෂ වල ඇතිවෙන දියර පිරි ගෙඩි සමූහයක් ඇති අයට දක්නට ලැබෙන තත්වයක්. රෝම වර්ධනයට අමතර ව ඔවුන්ට දියවැඩියාව, බර අඩු වීම,  ඔසප් චක්‍රයේ  වෙනස් වීම්, කුරුලෑ ආදිය තියෙන්න පුලුවන්.

අනවශ්‍ය රෝම වලට ප්‍රතිකාර :

• ■ බූ ගෑම -  මෙය පහසු අතුරු ආබාධ නැති ක්‍රමයකි. රෝම ඉවත් කළ ස්ථානයේ  තාවකාලික සුළු දැවිල්ලක් ඇති වෙන්න පුලුවන්.
  ■ බ්ලීචින් (bleaching) - රෝම ලා පැහැයට හැරවීම තාවකාලික ප්‍රතිකර්මයක්. මෙය සැමට සුදුසු වන්නෙ නෑ.
  ■ ඉටි යෙදීම -  රෝම ගැලවීම වේදනාකාරී වෙන්න පුලුවන්. රෝම කූප සෛල වලට හානි සිදුවෙන්න පුලුවන්. කැලැල් ඇති වෙන්න ඉඩ තියෙනවා.
  ■ ඉලෙක්ට්‍රෙයිසිස්: (electrolysis) - විදුලිය යොදා රෝමකූප සෛල ස්ථිර ව  ඉවත් කිරීම. මෙය වේදනාකාරී වෙනවා වගේම කාලයක් ගත වෙනවා.  කැලැල් ඇති වීම සම අවපැහැ ගැනීම සිදුවෙන්න පුලුවන්.
  ■ ලේසර් ප්‍රතිකාරය - ලේසර් කිරණ ධාරාවක් මගින් රෝම ඉවත් කරනු ලබනවා. මාස කීපයකට සාර්ථක වෙනවා. සුදු සම ඇති තද පැහැ රෝම ඇති අයට සිදු කරන්න පුලුවන්.

ඔයාගෙ වයසේ සිටින අය පච්ච වලට ප්‍රියතාවයක් දක්වනවා. එය පුද්ගලයකුගේ අනන්‍යතාවය හඟවන ලකුණක් කියලනෙ කියන්නෙ. එහෙත් පච්චය කියන්නෙ කෙටුවයින් පස්සෙ ස්ථිරවම තියෙන දෙයක් හින්දා එය කොටා ගැනීමට පෙර හොඳින් සිතා මතා තීරණය කරන්න. නැත්නම් පසු ව පසු තැවීමට සිදු වෙන්න පුලුවන්. මොනවා වුනත් පච්චයක් නිසා ඔයාගෙ නිරෝගීබවට ඇතිවන බලපෑම  වගේම   අතුරු ආබාධ ගැන දැනගෙන ඉන්න එක වැදගත්ත.

■ විෂබීජහරණය නොකළ ඉඳිකටු හා උපකරණ පාවිච්චිය තුළින් හෙපටයිටිස්, ඒඞ්ස් වැනි රුධිරය මගින් බෝ වන රෝග වැළඳීමට ඉඩ තියෙනවා.
■ ඉවත් කිරීමේ දුෂ්කරතා
■ අසාත්මිකතා ඇති වීම
■ ග්‍රැනුලොමටා සෑදීම - පච්ච සඳහා පාවිච්චි කරන වර්ණක ශරීරය විසින් බාහිර දෙයක් ලෙස හඳුනාගන්නවා ඒ නිසා  එයට විරුද්ධව ඒ වටා ඇති වන ක්‍රියාකාරිත්වය නිසා ගැටයක් වගේ දෙයක් හැදෙනවා.
■ කීලොයිඞ් සෑදීම - සාමාන්‍ය කැලැල් සීමාව ඉක්මවා ඇති වෙන කැලැල් මේ නමින් හැඳින්වෙනවා
■ රූපලාවන්‍ය ද්‍රව්‍ය වලට අසාත්මිකතා ඇති වීම.

වියළි සම

වියළි සම ප්‍රමාණවත් තරම් sebum (තෙල්) නිර්මාණය කළ නොහැකි විට හෝ තෙල් ග්‍රන්ථි අක්‍රිය නිසා ඇතිවේ. වියළි සමට බොහෝ විට, වියළි බිබිලි සහිත, රතු, හා කසනසුලු විය හැක.

තෙල් සහිත සම

සම ඕනෑවට වඩා sebum නිෂ්පාදනය කරන විට ඇතිවේ. සමහර විට දිලිසෙන, හෝ ස්පර්ශ කිරීමට ලිස්සන සුළු හෝ සිදුරු ඇති පෙනුමක් ගනියි. කුරුලෑ ඇතිවීමටද වැඩි නැඹුරුවක් දක්වයි.

සංවේදී සම

සංවේදී සම, තෙල් සහිත, සාමාන්‍ය, හෝ වියළි සමක් විය හැකි අතර, එය පාරිසරික තත්වයන්ට සංවේදී වේ. මද්‍යසාර අඩංගු රූපලාවන ද්‍රව්‍ය, සුවඳ තෙල්, හා කෘත්‍රිම වර්ණකයන්ට අහිතකර ප්‍රතික්‍රියා දක්වයි.

සාමාන්‍ය සම

සාමාන්‍ය සම මධ්‍යස්ථ ප්‍රමාණයකින් sebum නිෂ්පාදනය කරයි. ඉතා වියලි නොවේ. වැඩිපුර තෙල් සහිත නොවේ. ඉතා සමබර තත්වයේ පවතී. සාමාන්‍ය සම නිරතුරුවම සෞඛ්‍යය සම්පන්න සහ හොඳ පෙනුමක් ගනියි. නමුත් තවමත් අනෙකුත් සම වර්ග වඩා නොඅඩු අවධානයක් අවශ්‍ය වේ.

සම් වර්ග එකතුවක්

සම් වර්ග සංකලනයක් වන අතර, බොහෝ මිනිසුන්ට ඕනෑම අවස්ථාවක සම්වර්ග දෙකක් පැවතීම, වඩාත් පොදුයි. නිතර නිතර නළල, නාසය හා නිකට ආවරණය තෙල් සහිත "T-Zone" ප්‍රදේශයක් පවතී. කම්මුල්වල, අක්ෂි ප්‍රදේශයේ, සහ කට වටා සම සාමාන්‍ය හෝ වියලි වේ.

• බැක්ටීරියා සහ මේකප් ඉවත්කිරීමට alchol නැති face wash දියර සුදුසුය.
• විශේෂයෙන්ම blackheads වැළැක්වීමට එක් එක් උදෑසන පිරිසිදු face towel එකක් (රෙදි කඩක්) භාවිත කරන්න.
• Moisturiser සරල තෙල්-රහිත වියයුතුයි.
• ස්ක්‍රබ් මෘදු විය යුතුයි.
• වඩාත් පොදු ඔබ කරන වරදනම් තෙල් සියල්ල ඉවත් කිරීමයි.
• sun screen-ඔබ නොවරදවා හිරුඑළියට යාමට පෙර බාවිතා කල යුතුයි.